---------------------------------------------------------------------------------
متظاهرة أمام وزارة الداخلية في لاظوغلي يتم سحبها من قبل أجهزة الأمن لاعتقالها وصراخ من زميلاتها
----------------------------------------------------------------------------------
مجموعة من بلطجية جزارة الداخلية في جامعة المنصورة .. موسم الانتخابات لازم يتم ضرب الطلاب وارهابهم وتخويفهم عشان ميشاركوش في العمل السياسي .. لازم نستمر في فضحهم لكل الناس
----------------------------------------------------------------------------------
روايات أمنية للجيب .. يصدقها الأطفال تحت سن ٥ سنوات .. أو متصفحي الجرائد القومية .. أو المسؤولين من نوع المسؤول اللي أخد مليون دولار رشوة مرسيدس والحكومة ضغطت على أمريكا عشان ميقولوش اسمه ... الصورة على اليمين لقاتل خالد المجرم عوض سليمان وعلى اليسار لخالد سعيد شهيد التعذيب
----------------------------------------------------------------------------------
سؤال: تفتكروا ايه شعور الشخص اللي بينضرب بالجزم ده؟ تفتكروا الراجل ده حاسس بايه يوم ما انضرب؟ تفتكروا أي شخص غلبان شاب الراجل ده وهو بينضرب هيفضل عنده كرامة وهيقدر يقول لأ لأي انتهاك لحق من حقوقه؟ امتى الشرطة تعاملنا على اننا بني آدمين؟ الشاب ده مش مجرم ده شخص خرج في مظاهرة سلمية يعبر عن رأيه .. يرضي مين انه يحصل فيه كده؟متظاهرة أمام وزارة الداخلية في لاظوغلي يتم سحبها من قبل أجهزة الأمن لاعتقالها وصراخ من زميلاتها
----------------------------------------------------------------------------------
الشاب ده مش مجرم .. مش إرهابي .. مش تاجر مخدرات .. الشاب ده اسمه محمد عبدالسلام .. راح مظاهرة المطالبة بحق خالد سعيد عند وزارة الداخلية وتلقى ضربات على رأسه وصدره وأصيب بكدمات .. الشاب ده هو أنا وأنت وكل واحد .. الشاب ده بيحصل له كده عشان احنا بجد والله كنا سلبيين بس احنا بنفوق
----------------------------------------------------------------------------------
----------------------------------------------------------------------------------
أثناء مظاهرات القضاة في ٢٦ أبريل ٢٠٠٨ .. مخبر بملابس مدنية بيضرب واحد من المتظاهرين .. الملابس المدنية أصبحت تكنيك جديد للشرطة عشان يقولوا ان اللي بيضرب ده شخص عادي ... ودي رسالة للي بيسأل إزاي خالد اتقتل .. أهو واحد بيتقطع في الشارع ومحدش بينقذه
----------------------------------------------------------------------------------
عسكري أمن مركزي بيضرب متظاهر سلمي أثناء مظاهرات القضاة في ٢٦ أبريل ٢٠٠٨
----------------------------------------------------------------------------------
----------------------------------------------------------------------------------
----------------------------------------------------------------------------------
----------------------------------------------------------------------------------
من خطبة للرئيس حسني مبارك في ١ أكتوبر سنة ١٩٨٤: اهتم الدستور بالنص علي ضمانات الحريات والحقوق العامة للمواطنيين وانضمت مصر الي الاتفاقيات الدولية التي تكفل حماية حقوق الانسان ووفقا للدستور يقوم الحكم بالمؤسسات في نظام ديمقراطي يحمي حرية التعبير ويحقق الرقابة الشعبية ويحدد المسئولية التنفيذية أمام السلطة التشريعية
----------------------------------------------------------------------------------
صورة لازم متتنسيش .. العقيد أكرم سليمان اللي واقف ده أثناء جلسة الاستئناف من داخل قفص الاتهام .. عذب رجائي سلطان المعاق ذهنيا وتسبب له في عاهة مستديمة كل الشكر لمركز النديم اللي أشرف على القضية ودافع عن حق رجائي واترفض استئناف الضابط المجرم واللي دلوقتي محبوس خمس سنين إن شاء الله بسبب جريمته .. طول ما هنطالب بحقوقنا هناخدها!
----------------------------------------------------------------------------------
عايزين تعرفوا ازاي النقيب إسلام نبيه عبدالسلام عوض رجع للخدمة تاني في أسيوط بعد قضاؤه لنصف مدة العقوبة بسبب ثبوت تهمة هتكه لعرض عماد الكبير باستخدام عصاية خشب وتصويره بالموبايل وهو يتلفظ بأبشع الألفاظ .. اسألوا والده اللواء السابق عبدالسلام عوض مدير أمن سوهاج .. عايزين مصر تتقدم؟ مينفعش يكون فيه حد فوق مستوى الحساب! ومينفعش بلطجي زي ده يرجع جهاز أمني تاني بعد الجريمة اللي ارتكبها وأثبتت انه شخص غير سوي ومعقد نفسيا! دي فضيحة لمصر بكل المقاييس واساءة لسمعتها ان شخص زي ده يرجع تاني للخدمة بعد الجريمة النكراء اللي ارتكبها!
----------------------------------------------------------------------------------
----------------------------------------------------------------------------------
----------------------------------------------------------------------------------
----------------------------------------------------------------------------------